作者：沈东生
1、
这两天，一则“桃色”传闻刮遍了整弄堂里的角角落落。
弄堂里，随处可以听到有人神秘兮兮地讲“晓得伐，宁波女人和弄堂口摆煎饼摊头的老头子轧饼头了，就是乱搞男女关系，懂伐，乱搞男女关系。”
还有人讲得更加露骨，更加粗糙，讲啥：“宁波女人跟山东老头老早困到一张眠床上去了，啧啧啧，臭哄哄的山东老头子，哪能让伊困得到身上去，喔唷，腻性煞了，腻性煞了，吐也吐得出来……”
平常，弄堂里稍有一点风吹草动，就会弄得满城风雨，一顿饭的功夫就会家户欲晓。对“轧饼头”一类带颜色的传闻，就更加传得疯快，不管是真是假，一眨眼的辰光，当事人就像衣裳被剥得精光一样……
老底子“轧饼头”要被当着流氓捉起来的，还有被判刑的，甚至连吃“花生米”的事体也有过，“轧姘头”是一桩蛮严重的事体。哪能好瞎讲？
不过，假使要追究这些闲话的源头是啥地方。却没有人晓得，大家也不想晓得，只想茶前饭后有点谈资而已。
好在，这个被传为轧饼头的当事人——宁波女人。还蒙在鼓里，浑然不知。
当然还有一个人，也木知木觉地成了“轧饼头”的男主角了，伊更加不晓得是哪能一桩事体。这个人就是做煎饼的老头子。
2、
做煎饼的老头子是啥人？
做煎饼的老头子只是在弄堂口摆了一只摊头，并不是弄堂里厢的人，也不住在弄堂里，住啥地方也没有人晓得。
做煎饼老头子的摊头摆在弄堂口，有一段辰光了。辰光一长，跟弄堂里厢的人也能讲得上两句闲话，弄堂里的人就晓得做煎饼的老头子姓张，是山东牟平人，口气还蛮大，称自己为“山东张”。